Аймгийн иргэдийн Төлөөлөгчдийн хурлын 2025 оны 1 дүгээр сарын 31-ний өдрийн 05 тоот тогтоолоор 2025 онд аймгийн хэмжээнд:

Ахуйн зориулалтаар нийт 1815 толгой загас, агнаж барихыг баталсан.

Загасны үржлийн үетэй холбогдуулан жил бүрийн 04 сарын 01-ний өдрөөс 06 сарын 15-ны өдөр хүртэл ахуйн зориулалтаар загасчлахыг хориглосон. Үүнд Дархадын цагаан, Буйрын Омоль, Зарам, Алтайн сугас загаснаас бусад загас багтана. /Амьтны тухай хууль 9. 2. 8/

Хэрвээ дээрх хугацааг зөрчин загасчилсан тохиолдолд Зөрчлийн тухай хуулиар хариуцлага тооцно. Загасыг агнах хориотой үед агнаж, барьсан бол зөрчил үйлдэхэд ашигласан эд зүйл, хууль бусаар олсон орлогыг хурааж, учруулсан хохирол, нөхөн төлбөрийг гаргуулж иргэнийг 300 нэгжтэй тэнцэх хэмжээний төгрөгөөр, хуулийн этгээдийг 3000 нэгжтэй тэнцэх хэмжээний төгрөгөөр торгоно. /Зөрчлийн тухай хуулийн 7. 6. 4/