Батлан хамгаалах салбарын хамтын ажиллагааны хүрээнд Холбооны Бүгд Найрамдах Герман Улс, Бүгд Найрамдах Энэтхэг Улс, Бүгд Найрамдах Солонгос Улс, Оросын Холбооны Улсын цэргийн их, дээд сургуульд 2025-2026 оны хичээлийн жилд элсэн суралцах хүсэлтэй залуусыг сонгон шалгаруулалтад урьж байна.

Тавигдах шаардлага;

• Цэргийн байгууллагад ажиллах чин хүсэл эрмэлзэл, сонирхолтой байх;

• Ерөнхий эрдмийн шалгалтыг суурь болон сонгосон хичээлийн дүн (550)-аас дээш байх; (Математик, физик, нийгэм, хими, гадаад хэл, биологи хичээлийг аль нэгийн сонгосон байна.)

• Сурлагын дүн “В” болон түүнээс дээш байх;

• 18-22 насны хүртэл;

• Биедээ ямар нэгэн шивээсгүй байх;

• Ёс суртахууны болон хүмүүжлийн хувьд доголдолгүй, өөрийгөө илэрхийлэх бүрэн чадвартай байх;

• Эрүүгийн хариуцлага хүлээгээгүй байх.

Бүрдүүлэх материал;

• Сонгон шалгаруулалтад оролцохыг хүссэн өргөдөл

• Төрийн албан хаагчийн анкет (А хэсэг)

• Цээж зураг 3*4 харьцаатай (2 хувь)

• Ерөнхий эрдмийн шалгалт өгсөн дүнгийн батламж (e-mongolia болон Ерөнхий эрдмийн шалгалтын сайтаас авсан хуулбар байж болно);

• Боловсролын гэрчилгээ

• Оюутан, сонсогч (зөвхөн ҮБХИС) нар суралцсан хугацааны шалгалтын дүнгийн хуулбар (сургуулийн сургалтын албаны баталгаатай);

• Цагдаагийн байгууллагын тодорхойлолт; (Эрүүгийн хариуцлага хүлээж байгаагүй, эрүүгийн хариуцлага хүлээгээгүй тухай лавлагаа)

Бүртгэлийн хугацаа;

• 2025 оны 06 дугаар сарын 23-ны өдрөөс 30-ны өдрийг дуустал.

Холбогдох (албан тушаалтан)

• Өргөдлийг хүлээж авах албан тушаалтан яамны Төрийн захиргааны удирдлагын газрын ахлах мэргэжилтэн ахмад Ц.Ууганбаяр утас: 51-264625.

БАТЛАН ХАМГААЛАХ ЯАМ